BİYOGRAFİ

Aram Tîgran: Hunermendê Ermenî yê dilpak

“Gava ku ji destê min bê, ez ê hemû amûrên şer berhev bikim, hûrhûrî bikim û ji wan cimbişekê darêjim û çêkim.”

Hunermendê Ermenî yê dilpak, awazdaner û berhevkarê pirr û gelek stranên ku her û her li ser zar û zimanê gelê Kurd in.

Aram Tîgranê bi eslê xwe Ermenîyê Farqîna Amedê di sala 1934’an de li bajarê Qamişloyê yê Rojavayê Kurdistanê ji dayîk bûye. Tîgranê ku di tevayîya jîyana xwe de di ber ziman û çanda Kurdan de ked daye û zehmetî kêşaye bi zimanên Kurdî, Ermenkî û Erebî stran gotine û bi vî awayî jî li ber dilên van neteweyan bûye hunermendekî ezîz û nejibîr.

Di heyna koçberî, mişextî û qirbûna Ermenîyan de malbata Aram Tîgran ji alîyê Kurdan ve hatiye veşartin û endamên malbatê ji mirinê hatine rizgarkirin. Lewma jî, bavê Aram Tîgran di xweşîya xwe de her tim pend û şîret li zarokên xwe kirine wekî ew vê qencîyê ji bîr nekin.

Aram Tîgran di 6’ê Gelawêja 2009’an de ji ber nexweşîyekê li Asînaya paytexta Yewnanistanê jîyana xwe ji dest da. Wesyeta Aram Tîgran ew bû ku wî li Amedê di Gorristana Surp Gîragos de veşêrin, lê mixabin pergala dagirker a Tirkan destûra vê yekê neda.

Gelek stranên Aram Tîgran hene ku di jîyana Kurdan de ji xwe re cîyekî qayîm çêkirine ku yek ji wan jî ev e:

Bi xeml û rewş e, şêrîn û xweş e,

Şêrîn û xweş e, zimanê Kurdî;

Bi xweş awaz e, letîf û naz e,

Letîf û naz e, zimanê Kurdî.

Beyta Feqî ye, kubra Xanî ye,

Kubra Xanî ye, zimanê Kurdî.

Benzer Haberler

Ehmet kaya: Ezê stranên xwe bibêjim…

nupel haber

BARIŞ MANÇO

nupel haber

Mûsa Anter: Navekî sembol û şexsîyeteke nemir

nupel haber

ŞENER ŞEN

nupel haber

Arjen Arî:dem kal,ez pîrekal,zeman lal

nupel haber

KEMAL SUNAL

nupel haber