Beşeke din a S-400an gihîşt Tirkiyê

Wezareta Berevaniyê ya Tirkiyê ragihand ku pêncemîn balafira kelûpelên pergalên berevaniya esmanî yên rûsî S-400an îro yekşemê gihîştiye Enqerê û çaverêne balafirên şeşem û heftem jî îro dakevin.

Li aliyê din li Amerîkayê jî naveroka dorpêçên ku bi bihaneya S-400an li ser Tirkiyê bên ferzkirin zelal dibe.

Bloombergê ragihand ku rêveberiya Trump li pey teslîmata S-400an bo Tirkiyê, dawiya hefteya pêşiya me amadekariya ragihandina dorpêçan bo Tirkiyê dike.

Li gorî nûçeyê, Amerîka ji bo şaş neyê fêhmkirin naxwaze di roja salvegera hewla darbeya leşkerî ya Tevgera Fethullah Gulen a 15ê Tîrmehê de, dorpêçên ser Tirkiyê eşkere bike. Lê belê tê diyarkirin ku tîma Serokê Amerîkayê Donald Trump pakêta dorpêçên ku li ser Tirkiyê werin sepandin zelal kiriye.

/nucexane/